မြန်မာ (၁၁) ဦး အပါအ၀င် ပြန်ပေးဆွဲခံသင်္ဘော လွတ်ပြီ

ဆိုမာလီဓါးပြတို့ အဖမ်းခံသင်္ဘောနှင့်ပတ်သက်၍ တောင်ကိုရီးယား အနေဖြင့် ဒီအတိုင်းကြည့်မနေဘဲ ပြီးခဲ့သည့် သောကြာနေ့  (၂၁- ဂျန္န၀ါရီ-၂၀၁၁) က လင်းအားကြီး အချိန်မှစတင်၍ (၅) နာရီကြာ ကယ်ဆယ်ရေး စစ်ဆင်မှု တစ်ရပ် ပြုလုပ်ကာ အင်ဒိုနီးရှား သင်္ဘော သား (၂) ဦး၊ တောင်ကိုရီးယား သင်္ဘောသား (၈) ဦး၊ မြန်မာ သင်္ဘော သား (၁၁) ဦး စုစုပေါင်း (၂၁) ဦး နှင့် တန်ချိန် (၁၁၅၀၀) ရှိ Samho Jewelry ဓါတုဗေဒ ပစ္စည်းတင် ကုန်သင်္ဘော တို့ ကို ကယ်တင် လိုက် နိူင်ကြောင်း သတင်းများအရ သိရှိရပါသည်။

ဆိုမာလီ မှ အရှေ့ မြောက်ဘက် ကီလိုမီတာ (၁၃၀၀) ခန့် အကွာ အာရေဗျ ပင်လယ်တွင် ဖြစ်ခဲ့သည့် ယခုလို ကယ်တင်မှုအတွင်း ပင်လယ်ဓါးပြ (၈) ဦး သေဆုံးခဲ့ရပြီး ကျန် (၅) ဦးကို လက်ရဖမ်းမိခဲ့သည့်အတွက် ကိုရီးယား အစိုးရ နိူင်ငံခြားရေး နှင့် ကုန်သွယ်ရေး ဆိုင်ရာ ၀န်ကြီးဌာန အနေနှင့် ဖမ်းမိသူတို့ ကို ကိုင်တွယ်နိူင်မည့် နည်း လမ်းကြောင်းများ လေ့လာနေ ကြောင်းကို ဆက်လက် သိရှိရပါတယ်။

ကုလသမဂ္ဂ ပင်လယ်ရေကြောင်းဆိုင်ရာ အပြည်ပြည်ဆိုင်ရာ ဥပဒေစာချူပ်အရ ကိုရီးယား နိူင်ငံ အနေဖြင့် ပင် လယ် ဓါးပြ တို့ အထိန်းအသိမ်း ခံ သင်္ဘောပေါ် တက်ရောက်စီးနင်းခွင့် နှင့် ဓါးပြတို့ ကို ဖမ်းဆီးခွင့် ရှိပေသည်။ တောင်ကိုးရီးယား တရားရုံး တစ်ခု ကနေ၍ ဓါးပြတို့ အား အပြစ်ပေး နိူင် ပေသည်။ ဖမ်းမိခံ ပင်လယ်ဓါးပြ (၅) ဦး နှင့် ပတ်သက်၍ ကိုရီးယား အစိုးရ က ဆက်လက် ကိုင်တွယ် ဆောင်ရွက် ရမည် ဖြစ်သည်။ အိုမန်၊ ကင် ညာ၊ ယီမင် ကဲ့သို့  တတိယနိူင်ငံ တနိူင်ငံ သို့ ပို့ ဆောင်၍ တရားဥပဒေ လမ်းကြောင်း အတိုင်း လည်း ပြုလုပ် နိူင်ပေသည်။

ကိုရီးယား သမ္မတ လီမြှောင်ဘတ် ကိုယ်တိုင် အမိန့် အာဏာပေး၍ ၄င်းကိုယ်တိုင် ၄င်းတို့ နိူင်ငံသားများကို မည် သည့် ထိပါးတိုက်ခိုက်လာမှု ကိုမျှ သီးခံမည် မဟုတ်ကြောင်း ပြောကြားခဲ့သည့် ယခုလို ဖြစ်စဉ်တွင် ပြန်ရွေးငွေ အမေရိကန်ဒေါ်လာ မဆုံးရှုံးခဲ့ရပေမယ့်လည်း ကိုရီးယား စစ်သား (၃) ဦး ထိခိုက်မှု အနည်းအကျဉ်း နှင့် သင်္ဘော ကပ္ပတိန် အဖြစ်အပျက်အတွင်း ပစ်ခတ် ခံထိ ခဲ့ရသည့် အတွက် နီးစပ်ရာ ဆေးရုံ သို့  အမြန် ပို့  ဆောင် ပေးခဲ့ ရကြောင်း သိရှိရသည်။

အခုလို ကယ်တင်လိုက်ပြီး အောင်မြင်လိုက်နိူင်တယ် ဆိုတာကို သတင်းများအရသာ နောက်မှ တအံ့တသြ နှင့် သိရပြီး ၄င်းတို့  ကြိုတင်၍ မသိရှိရကြောင်း သင်္ဘောသား မိသားစုများက ပြောကြားပါသည်။ အသက်ဘေး မ ရှိသည့် ဒဏ်ရာရခဲ့သော သင်္ဘော ကပ္ပတိန် ၏ သားဖြစ်သူ က အခုလို ကယ်ဆယ် စစ်ဆင်ရေး ကို သတင်း ဌာန တို့ ကတဆင့် ကြားသိရတဲ့ အခိုက်မှာ အသက်ရှု ရပ်မတတ် ဖြစ်ခဲ့ရကြောင်း ပြန်လည် ပြောပြခဲ့ပါတယ်။

Samho Jewelry တွင် လိုက်ပါ အမှုထမ်းဆောင်ခဲ့သည့် ကိုရီးယား သင်္ဘောသား တစ်ဦး ၏ ဇနီးသည် နှင့် သား တို့ ကလည်း ယခုလို ရက်ပိုင်းအတွင်း ခပ်မြန်မြန် ကယ်တင်လိုက်နိူင်တာကို သတင်းဌာန တွေ က တ ဆင့် ရုတ်တရက်ကြားရတာဖြစ်ကြောင်း သူတို့ ထင်ထားသည်က အနည်းဆုံး နှစ်လ သုံးလ ခန့်  ကြာမည် ထင် ခဲ့ ကြကြောင်း ပြန်လည်ပြောပြပါတယ်။ အခြားသင်္ဘောသား မိသားစုများ နည်းတူ စိုးရိမ်ပူပန်မှု နှင့် သူ၏ အ ဖေ ငရဲခန်းမှ လုံခြုံစွာ ပြန်လည်လွတ်မြောက်လာရခြင်းအတွက် ကယ်တင်မှု ကို ကျေးဇူး တင်ပါကြောင်း သား ဖြစ်သူ က ဆက်လက်ပြောဆိုပြီး နောက်နောင် သူ့ ယောက်ျား ကို သင်္ဘော မလိုက်စေလိုတော့ကြောင်း ဇနီး သည် က ပြောပါတယ်။

(မြန်မာနိူင်ငံ ပင်လယ်ပျော်များ သမဂ္ဂ အနေနှင့် ကယ်တင်လွတ်မြောက်လာခဲ့ကြသည့် မြန်မာသင်္ဘောသား များ ၄င်းတို့ ၏ မိသားစု များ နှင့် အတူ စိုးရိမ်တကြီး ဖြစ်မိပြီး ကိုရီးယားရှိ မိမိတို့ သမဂ္ဂ ကွန်ရက်များကတဆင့် မြန်မာ သင်္ဘောသား များ အရေးအတွက် သတင်းအချက်အလက်များ ထပ်မံစုဆောင်းလျက်ရှိပြီး အဆင်သင့် ပါက မိသားစုများထံ မြန်မာသတင်းဌာန များမှနေ၍ အသိပေးပါမည်)။