ပင်လယ်ပျော် ညီအစ်ကိုတော် အင်ဂျင်နီယာ ဦးလှချစ် ဆိုမာလီ ပြန်ပေးသမားများ လက်မှ လွတ်မြောက်လာပြီ

မြန်မာနိူင်ငံသား အင်ဂျင်နီယာ

ဦးလှချစ်

အသက် (၄၀)

ဇာတိ - မအူပင် ဧရာဝတီတိုင်း

ဆိုမာလီ ပင်လယ်ဓားပြများက သီတင်းပတ် (၁၀) ပတ်ခန့် ပြန်ပေးဆွဲထားသော စင်ကာပူ ကုမ္ပဏီ PIL (Pacific International Line) ပိုင် MV Kota Wajar ကုန်တင် သင်္ဘော ပြန်လွတ်လာပြီး မြန်မာနိူင်ငံသား အင်ဂျင်နီယာဦးလှချစ် အပါအ၀င် သင်္ဘောသား စုစုပေါင်း (၂၁) ဦး သင်္ဘောနှင့်အတူလွတ်မြောက်လာပြီဟု ယင်း ကုမ္ပဏီက ယမန်နေ့တွင် ထုတ်ပြန်ထားသည်။ MV Kota Wajar အမည်ရှိ ကွန်တိန်နာ သင်္ဘောသည် Kenya နိူင်ငံ Mombasa သို့သွားရန် စင်ကာပူမှ ထွက်ခွာပြီးနောက် အောက်တိုဘာ (၁၅) ရက်နေ့ ၌ ဆိုမာလီ နိူင်ငံ အနီးရှိ Aden ပင်လယ်ကွေ့ အရောက်တွင် ပြန်ပေးဆွဲ ခံခဲ့ရသည်။ စင်ကာပူ အစိုးရ နှင့် PIL (Pacific International Line) ကုမ္ပဏီတို့ ပူးပေါင်း၍ ဆိုမာလီ ပြန်ပေးသမားများနှင့် ညှိနှိုင်းကာ ယမန်နေ့က ပြန်လည် လွတ်မြောက်လာခြင်း ဖြစ်သည်။ ပြန်ပေးသမားများက အမေရိကန် ဒေါ်လာ (၈) သန်း တောင်းဆိုထားကြောင်း ဒေါ်လာ (၄) သန်းဖြင့် သဘောတူညီမှုရခဲ့ပြီး ယမန်နေ့ နှောင်းပိုင်းတွင် လွှတ်ပေးခဲ့ကြောင်း သတင်းရရှိသည်။

MV Kota Wajar ပြန်လွတ်လာသော အချိန်တွင် တရုတ်သင်္ဘော De Xin Hai နှင့် သင်္ဘောသား စုစုပေါင်း (၂၅) ဦး အိန္ဒိယငါးဖမ်းလှေ (single-mast coastwise vessel (dhow) ) Laxim Sagar, နှင့် ရေလုပ်သား (၁၀) ဦး တို့ ကိုလည်း ဆိုမာလီ ပြန်ပေးသမားများက ပြန်လွှတ်ပေးခဲ့ကြောင်း အနည်းဆုံး နိူင်ငံခြား သင်္ဘော (၁၀) စင်းနှင့် သင်္ဘောသား (၂၂၈) ယောက်တို့အား ပင်လယ်ဓါးပြများက ပြန်ပေးဆွဲခံထားဆဲပင် ဖြစ်ကြောင်း သိရသည်။

MV Kota Wajar

Ship Type: Cargo; Year Built: 1997; Length x Breadth: 184 m X 28 m; DeadWeight: 24637 t; Speed recorded (Max/Average): 16.7 / 14.3 knots; Flag: Singapore [SG]; Call Sign: S6BT ; IMO: 9157399; MMSI: 564379000

Qingdao Ocean Shipping Co., Ltd., ပိုင် တရုတ်သင်္ဘော De Xin Hai သည် တောင်အာဖရိကနိုင်ငံမှ ကျောက်မီးသွေးတန်ချိန် ခုနှစ်သောင်းခြောက် ထောင် တင်ဆောင်ပြီး အိန္ဒိယနိုင်ငံ Mundra သို့အသွား ၂၀၀၉ အောက်တိုဘာလ (၁၉) ရက်တွင် ပြန်ပေးဆွဲခံခဲ့ရသည်။ အတည်ပြုချက်မရသော သတင်းများက De Xin Hai လွတ်မြောက်ရေး အတွက်လည်း ဒေါ်လာ (၄) သန်းကို ပင်လယ်ဓါးပြများအတွက် ပေးခဲ့ရသည်ဟု ဆိုသည်။

MV De Xin Hai

ပင်လယ်ဓါးပြများ